Afjal Guru

ਅਫਜ਼ਲ ਗੁਰੂ ਨੂੰ ਫਾਂਸੀ ਹੋਈ ਤਾਂ ਸੜ ਜਾਏਗਾ ਕਸ਼ਮੀਰ : ਗਿਲਾਨੀ

D

 ਦਿੱਲੀ, 13 ਦਸੰਬਰ --10 ਸਾਲ ਪਹਿਲਾਂ 13 ਦਸੰਬਰ 2001 ਨੂੰ ਸੰਸਦ 'ਤੇ ਹਮਲੇ ਵਿਚ ਸ਼ਹੀਦ ਹੋਏ ਜਵਾਨਾਂ ਦੇ ਪਰਿਵਾਰਕ ਮੈਂਬਰ ਜਿਥੇ ਇਕ ਪਾਸੇ ਅਫਜ਼ਲ ਗੁਰੂ ਨੂੰ ਤੁਰੰਤ ਫਾਂਸੀ 'ਤੇ ਲਟਕਾਉਣ ਦੀ ਮੰਗ ਕਰ ਰਹੇ ਹਨ, ਉਥੇ ਦੂਜੇ ਪਾਸੇ ਇਸ ਹਮਲੇ ਦੇ ਮਾਸਟਰਮਾਈਂ²ਡ ਹੋਣ ਦਾ ਦੋਸ਼ ਝੱਲ   ਚੁੱਕੇ ਪ੍ਰੋਫੈਸਰ ਸਈਦ ਅਬਦੁੱਲ ਰਹਿਮਾਨ ਗਿਲਾਨੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਅਫਜ਼ਲ ਗੁਰੂ ਨੂੰ ਫਾਂਸੀ ਹੋਈ ਤਾਂ ਪੂਰੇ ਕਸ਼ਮੀਰ ਵਿਚ ਅੱਗ ਲੱਗ ਜਾਏਗੀ, ਉਥੇ ਸ਼ਾਂਤੀ ਖਤਮ ਹੋ ਜਾਏਗੀ। ਕਸ਼ਮੀਰ ਦੇ ਲੋਕ ਜਾਣਦੇ ਹਨ ਕਿ ਅਫਜ਼ਲ ਗੁਰੂ ਨਾਲ 'ਬੇਇਨਸਾਫੀ' ਹੋਈ ਹੈ। ਉਸ ਨੂੰ ਫਾਂਸੀ ਦੇਣੀ ਵੱਡੀ ਪ੍ਰੇਸ਼ਾਨੀ ਦਾ ਕਾਰਨ ਬਣੇਗੀ। ਸੰਸਦ 'ਤੇ ਹੋਏ ਹਮਲੇ ਸੰਬੰਧੀ 20 ਮਹੀਨੇ ਦੀ ਕੈਦ ਕੱਟਣ ਪਿੱਛੋਂ ਰਿਹਾਅ ਹੋਏ ਗਿਲਾਨੀ ਨੇ ਇਕ ਇੰਟਰਵਿਊ ਦੌਰਾਨ ਅਫਜ਼ਲ ਗੁਰੂ ਨੂੰ ਬੇਕਸੂਰ ਦੱਸਿਆ। ਗੁਰੂ ਨੂੰ ਸੁਪਰੀਮ ਕੋਰਟ ਨੇ ਦੋਸ਼ੀ ਮੰਨਦਿਆਂ ਫਾਂਸੀ ਦੀ ਸਜ਼ਾ ਸੁਣਾਈ ਹੈ। ਉਸਨੇ ਫਾਂਸੀ ਤੋਂ ਬਚਣ ਲਈ ਰਾਸ਼ਟਰਪਤੀ ਕੋਲ ਰਹਿਮ ਦੀ ਪਟੀਸ਼ਨ ਭੇਜੀ ਹੋਈ ਹੈ, ਜਿਸ 'ਤੇ ਅਜੇ ਤਕ ਕੋਈ ਫੈਸਲਾ ਨਹੀਂ ਲਿਆ ਗਿਆ। 

ਇਕ ਇੰਟਰਵਿਊ ਦੌਰਾਨ ਗਿਲਾਨੀ ਨੇ ਕਿਹਾ ਕਿ ਹਮਲੇ ਪਿੱਛੋਂ ਪੁਲਸ ਹਨੇਰੇ ਵਿਚ ਟੱਕਰਾਂ ਮਾਰ ਰਹੀ ਸੀ ਪਰ ਅਸਲੀ ਹਮਲਾਵਰਾਂ ਬਾਰੇ ਉਸ ਨੂੰ ਕੁਝ ਵੀ ਪਤਾ ਨਹੀਂ ਸੀ। ਪੁਲਸ ਨੂੰ ਕਿਸੇ ਦਾ ਨਾਂ ਇਸ ਹਮਲੇ ਨਾਲ ਜੋੜਣ ਦੀ ਲੋੜ ਸੀ, ਉਸਨੇ ਮੈਨੂੰ ਮਾਸਟਰਮਾਈਂਡ ਬਣਾ ਦਿੱਤਾ।
ਪ੍ਰੋ. ਗਿਲਾਨੀ ਨੇ ਕਿਹਾ ਕਿ ਇਸ ਘਟਨਾ ਪਿੱਛੋਂ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਗਈ। ਮੈਂ ਪਹਿਲਾਂ ਇਕ ਆਮ ਆਦਮੀ ਸੀ, ਕਿਤੇ ਵੀ ਆ-ਜਾ ਸਕਦਾ ਸੀ ਪਰ ਹੁਣ ਲੱਗਦਾ ਹੈ ਕਿ ਮੈਂ ਬੱਝ ਗਿਆ ਹਾਂ। ਲੋਕਾਂ ਦੇ ਮਨ ਵਿਚ ਮੇਰਾ ਇਕ ਅਕਸ ਬਣ ਗਿਆ ਹੈ ਅਤੇ ਮੈਨੂੰ ਉਸੇ ਮੁਤਾਬਕ ਜ਼ਿੰਦਗੀ ਬਿਤਾਉਣੀ ਪਵੇਗੀ।